Jamaican Lyrics

Go back to JamaicanLyrics.com

OTHER SONGS

  • Jason Mighty Online
  • Long Live Rosa Parks!
  • Searching for Songs
  • Chronixx, Jamaica’s Newest Breakout Reggae Artist – Do You Know Him?
  • What Did We Change in June?
  • Whats Up? – March 2008
  • Black Green & Gold-Thirld World Style
  • New Artist
  • Welcome
  • Reggae Bands
  • Congratulations London!
  • View the JamaicanLyrics Newsletter

    montegobayja.com - All about Montego Bay Jamaica

    Sonny’s Lettah

    by: | No Comments »

    Song Info

    Artist:
    Album:
    Song Year:

    From Brixton Prison, Jebb Avenue London S.W. 2 Inglan

    Dear mama
    Good day
    I hope that when these few lines reach you
    They may find you in the best of health
    Mama, I really doun know how fi tell ya dis
    cuz I did mek a solemn promise
    To tek care a lickle Jim
    An’ try mi bes fi look out fi him

    Mama, I really did try mi bes, but none di less
    Sorry fi tell ya seh, poor lickle Jim get arres’
    It was de miggle a di rush hour
    When evrybody jus a hustle and a bustle
    To go home fi dem evenin’ shower
    Mi an’ Jim stan’ up waitin’ ‘pon a bus
    Not causin’ no fuss

    When all of a sudden a police van pull up
    Out jump tree policemen
    De whole a dem carryin’ baton
    Dem walk straight up to me and Jim
    One a dem hold on to Jim
    Seh him tekin’ him in
    Jim tell him fi leggo a him
    For him nah do nutt’n
    And him nah thief, not even a but’n
    Jim start to wriggle
    De police start to giggle

    Mama, mek I tell you wa dem do to Jim
    Mek I tell you wa dem do to him

    Dem thump him him in him belly and it turn to jelly belly
    Dem lick him ‘pon him back and him rib get pop
    Dem thump him ‘pon him head but it tough like lead
    Dem kick him in him seed and it started to bleed

    Mama, I jus couldn’t stan’ up deh and nuh do nuttin’

    So mi jook one in him eye and him started fi cry
    Me thump him ‘pon him mout and him started fi shout
    Me kick him ‘pon him shin so him started fi spin
    Me tump him ‘pon him chin an’ him drop ‘pon a bin
    – an’ crash, an’ dead

    Mama, more policman come dung
    Dem beat me to the grung
    Dem charge Jim fi sus
    Dem charge mi fi murder

    Mama, don’t fret
    Don’t get depress an’ downhearted
    Be of good courage,
    till I hear from you
    I remain
    Your son,
    Sonny

    Leave a Reply

    signup